ශ්‍රී ලංකා ධර්මදූත යෝගාශ්‍රමය
ධර්මදූත මහා විහාරය - උතුවන්කන්ද
උදාහරණ: “ළමා නිවාස”, “මහා මංගල සූත්‍රය”, “පිරිත්”, “වීඩියෝ”, “දහම් පාසල”. වචන ටයිප් කරන විටම ප්රතිඵල පෙන්වයි.
ධර්මදූත මහා විහාරය - උතුවන්කන්ද
උදාහරණ: “ළමා නිවාස”, “මහා මංගල සූත්‍රය”, “පිරිත්”, “වීඩියෝ”, “දහම් පාසල”. වචන ටයිප් කරන විටම ප්රතිඵල පෙන්වයි.
මනරම් පරිසරයක පිහිටි ශ්‍රී ලංකා ධර්මදූත යෝගාශ්‍රමය වෙත ඔබ සාදරයෙන් පිළිගනිමු.
"බහුජන හිතාය , බහුජන සුඛාය"
"බොහෝ දෙනාගේ හිත සුව පිණිස"
ධර්මදූත යෝගාශ්‍රම නිල තේමා ගීතය වෙබ් අඩවියෙන් ශ්‍රවණය කරන්න
OCTOBER 2026 | Monthly News Bulletin
2026 ඔක්තෝබර් | මාසික පුවත් විකාශය
දැයේ මව්වරුන් වෙනුවෙන් පිදෙන ආදරණීය සත්කාරය
මනස සංවර්ධනය හා සන්සුන්කම ඇති කිරීම සඳහා වන මාසික භාවනා පුහුණුව.
සෑම මසකම අවසන් ඉරිදා දින පැවැත්වෙන සහන පොළ
දිනපතා සිදුකෙරෙන ආගමික වතාවත් සහ ධර්ම දේශනා.
සෙනසුරාදා දිනවල පැවැත්වෙන ත්‍රිවිධ චෛත්‍ය වන්දනාව සහ ත්‍රිපිටක දේශනාව.
සම සුවය හා මානසික සුවය පිණිස බදාදා දිනවල පවත්වනු ලබන බොජ්ඣංග දේශනාව.
ඉදිරියට පැවැත්වීමට නියමිත පිංකම් මාලාව
ආචාර්ය අතිපූජ්‍ය ඕමල්පේ සෝභිත නාහිමිපාණන් වහන්සේ විසින් පවත්වනු ලබන විශේෂ ධර්ම දේශනාව සහ සර්ව රාත්‍රික ත්‍රිපිටක සජ්ඣායනය.
මහා කඨින චීවර පූජාව සහ සංඝාවාස කුටි සඟ සතු කොට පූජා කිරීමේ මහෝත්සවය.
මනස සන්සුන් කරවා ගැනීම හා භාවනා පුහුණුව සඳහා වන මාසික විපස්සනා භාවනා වැඩසටහන.
උතුම් පුරපසළොස්වක පොහොය දිනය වෙනුවෙන් පවත්වනු ලබන විශේෂ සීල භාවනා වැඩසටහන.
ශ්‍රී ලංකා ධර්මදූත යෝගාශ්‍රමයේ සංවර්ධන කටයුතු හා ශාසනික මෙහෙවර උදෙසා ඔබගේ පින්බර දායකත්වය පහත බැංකු ගිණුම වෙත ලබාදිය හැක.
ගිණුම් අංකය පහසුවෙන් Copy කරගැනීමට පහත Button එක ක්ලික් කරන්න.
බෞද්ධ ධර්මානුකූලව පූජනීයත්වයට පත් ශාරීරික, පාරිභෝගික සහ උද්දේශික යන ත්‍රිවිධ චෛත්‍යයන්ගේ අනුහස්, ඡායාරූප, වන්දනා ගාථා සහ MP3 ශ්‍රව්‍ය එකතුව.
"ආනන්ද නාමිකං පුබ්බංග බෝධිං
සම්භාවිතං ධම්මදූත මහාවිහාරේ
සම්මා විරාජිත ඉදං වරථූපගබ්භේ
වන්දාමි ධාතු සාරීරික ගාරවේන..."
(ත්‍රිවිධ චෛත්‍යය වෙනුවෙන් භක්ත්‍යාදරයෙන් සිදුකරන වන්දනාවයි)
ශ්‍රවණය කිරීමට Play කරන්න
තිලෝගුරු බුදුරජාණන් වහන්සේගේ ශ්‍රී සර්වඥ ධාතූන් වහන්සේලා තැන්පත් කර තනන ලද ස්තූපයන් ශාරීරික චෛත්‍යය නම් වේ. අප යෝගාශ්‍රම පරිශ්‍රයේ පිහිටි මහ සෑ රජාණන් වහන්සේ අතිශය ශාන්ත පරිසරයක පිහිටා ඇති අතර, සැදැහැවතුන්ට පහන්, මල් හා සුවඳ දුම් පූජා කරමින් චිත්ත ප්‍රසාදය වර්ධනය කරගැනීමට උතුම් පින්කෙතකි.
බුදුරජාණන් වහන්සේ උතුම් සම්බුද්ධත්වයට පත්වීමට සෙවණ දුන් අනුරාධපුර ජය ශ්‍රී මහා බෝධීන් වහන්සේගේ අංකුරයක් ලෙස අප යෝගාශ්‍රමයේ රෝපණය කර ඇති බෝධීන් වහන්සේ පාරිභෝගික චෛත්‍යය වේ. බෝධි පූජා පැවැත්වීමට සහ බෝධි මූලයේ හිඳ භාවනා කිරීමට පැමිණෙන සැදැහැවතුන්ට මෙය අතිශය ශාන්ත ස්ථානයකි.
බුදුරජාණන් වහන්සේ උදෙසා නෙළන ලද බුද්ධ ප්‍රතිමා වහන්සේලා සහ ධර්ම මන්දිර ආදිය උද්දේශික චෛත්‍යයට අයත් වේ. විහාර මන්දිරය තුළ සමාධි මුද්‍රාවෙන් වැඩසිටින ප්‍රධාන බුද්ධ ප්‍රතිමා වහන්සේ මෙන්ම, ජාතක කතා සහ බුද්ධ චරිතයේ විශේෂ අවස්ථා නිරූපණය වන සිත්ගන්නාසුලු චිත්‍ර හා සිතුවම් අඩංගු වේ.
ශ්‍රී ලංකා ධර්මදූත යෝගාශ්‍රමයේ ප්‍රධාන අනුශාසක ස්වාමින් වහන්සේ
අපගේ යෝගාශ්‍රමයේ නිර්මාතෘවරයන් වහන්සේ නමක් වන අතර, වසර ගණනාවක් මුළුල්ලේ උතුම් ශ්‍රී සද්ධර්මය ලෝකය පුරා ප්‍රචාරය කිරීමටත්, විහාරස්ථානයේ සහ ශාසනයේ අභිවෘද්ධිය උදෙසාත් විශාල මෙහෙවරක් ඉටු කරනු ලබති.
ශ්‍රී ලංකා ධර්මදූත යෝගාශ්‍රමාධිපති ස්වාමින් වහන්සේ
ප්‍රතිපත්ති පූජාවන්ට මුල්තැන දෙමින් භාවනා වැඩසටහන් සහ ධර්ම දේශනා පවත්වමින් උතුවන්කන්ද ධර්මදූත යෝගාශ්‍රමයේ සියලු ශාසනික කටයුතු ඉදිරියට මෙහෙයවනු ලබති.
උතුවන්කන්ද ශ්‍රී ලංකා ධර්මදූත යෝගාශ්‍රමයේ ඓතිහාසික ගමන් මග
කොළඹ–නුවර ප්‍රධාන මාර්ගයේ 51 වන කණුවට නුදුරුව, උතුවන්කන්ද ග්‍රාමයේ පිහිටි අගනා භූමියක් සම්බුද්ධ ශාසනයට පූජා කිරීම 1969 මාර්තු 25 වන දින සිදු කරන ලදී.
ශ්‍රී කල්‍යාණි සමස්ත ලංකා එක්සත් මහා ශීල භාවනා සංවිධානයේ අනුශාසක ධර්මදූත සංගමය හා එහි ප්‍රධාන අනුශාසක, හක්බෙලිකන්ද ආරණ්‍ය සේනාසනාධිපති, මහා කම්මට්ඨානාචාර්ය පූජනීය කපුගම්පොත ආනන්දමෛත්‍රේය මහා ස්වාමීන් වහන්සේගේ මඟපෙන්වීම හා අනුශාසනය යටතේ පින්වත් ඩී. එෆ්. ජේ. ධර්මදාස දම්පතීන් විසින් සම්බුද්ධ ශාසනය වෙත පූජා කරන ලද මෙම පුණ්‍ය භූමිය පදනම් කරගෙන, උතුවන්කන්ද ශ්‍රී ලංකා ධර්මදූත යෝගාශ්‍රමය ශාසනික හා ආධ්‍යාත්මික කටයුතු සඳහා මෙන්ම යෝගාවචරයන්ගේ භාවනා පුහුණුව හා පරිහරණය සඳහා ආරම්භ කරන ලදී.
ආරම්භයේ සිටම බුදුදහම දේශීය හා විදේශීය ජනතාව අතර ප්‍රචාරය කිරීම, භාවනා පුහුණුව, ධර්ම අධ්‍යයනය, ආධ්‍යාත්මික සංවර්ධනය සහ විවිධ ශාසනික සේවාවන් සඳහා මෙම යෝගාශ්‍රමය කැපවී කටයුතු කර ඇත.
අද දක්වාම මෙම පුණ්‍ය භූමිය බුදු සසුනේ චිරස්ථිතිය, ධර්ම ප්‍රචාරය සහ යෝගාවචරයන්ගේ ආධ්‍යාත්මික අභිවෘද්ධිය වෙනුවෙන් සේවය කරන ශාසනික මධ්‍යස්ථානයක් ලෙස පවත්වාගෙන යනු ලබයි.
උතුවන්කන්ද , ශ්‍රී ලංකා ධර්මදූත යෝගාශ්‍රමය බෞද්ධ ශාසනික, ආධ්‍යාත්මික කටයුතු සඳහා වැදගත් මධ්‍යස්ථානයක් ලෙස සිය ඉතිහාසය තුළ විවිධ අවස්ථාවන්හිදී සුවිශේෂී මෙහෙවරක් ඉටු කර ඇත. මෙම පුණ්‍යභූමියේ ශාසනික ගමන් මඟ තුළ විහාරාධිපති ස්වාමීන් වහන්සේලාගේ කැපවීම හා දූරදර්ශී නායකත්වය විශේෂයෙන් සඳහන් කළ යුතුය.
මහා කම්මට්ඨානාචාර්ය පූජනීය කපුගම්පොත ආනන්ද මෛත්‍රී මහා ස්වාමීන්ද්‍රයන් වහන්සේගේ අපවත්වීමෙන් අනතුරුව, ශාස්ත්‍රපති පූජ්‍ය ඇඹිලිපිටියේ සුමනසිරි ස්වාමීන් වහන්සේ ධර්මදූත යෝගාශ්‍රමයේ විහාරාධිපති ධුරයට පත්වූහ. උන්වහන්සේගේ නායකත්වය යටතේ විහාරස්ථානයේ ශාසනික හා ආගමික කටයුතු අඛණ්ඩව පවත්වාගෙන යනු ලැබීය.
පසුව, උන්වහන්සේගේ ස්ව අභිමතය පරිදි 2016 වර්ෂයේදී මෙම පුණ්‍යභූමිය ශ්‍රී ලංකා රාමාඤ්ඤ මහා නිකායේ ප්‍රාදේශීය සංඝ සභාවට ඉදිරිපත්කළ යෝජනා ප්‍රකාරව එහි අනුමැතියෙන් දක්ෂිණ ලංකාවේ ප්‍රධාන සංඝනායක ආචාර්ය පූජ්‍ය ඕමල්පේ සෝභිත නාහිමිපාණන් වහන්සේ වෙත භාරදෙන ලදී.
එතැන් පටන් 2025 මැයි මාසය දක්වා පූජ්‍ය ආචාර්ය ඕමල්පේ සෝභිත නාහිමිපාණන් වහන්සේ උතුවන්කන්ද ධර්මදූත යෝගාශ්‍රමයේ විහාරාධිපති ධුරය හොබවමින්, විහාරස්ථානයේ ආගමික, අධ්‍යාපනික, ධර්මදූත හා සමාජ සේවා කටයුතු සඳහා නායකත්වය ලබා දුන්හ. උන්වහන්සේගේ අනුශාසනා පරිදි ශාස්ත්‍රපති පූජ්‍ය රන්නේ ඉන්දසාර , ගෞරව ශාස්ත්‍රවේදී විජේරියේ විමල , ධර්මාචාර්ය පනාපිටියේ සමිතනන්ද යන ස්වාමීන් වහන්සේලාගේ දීර්ඝ ශාසනික මෙහෙවර තුළ මෙම පුණ්‍යභූමිය ධර්ම ප්‍රචාරය හා සමාජ සේවය සඳහා වඩාත් පුළුල් මධ්‍යස්ථානයක් බවට පත් කිරීමට දායකත්වයක් ලැබිණි.
පූජ්‍ය ආචාර්ය ඕමල්පේ සෝභිත නාහිමිපාණන් වහන්සේගේ 75 වන ජන්ම දිනය නිමිත්තෙන් හම්බන්තොට මාගම්පුර රාජපක්ෂ ජාත්‍යන්තර සම්මන්ත්‍රණ ශාලාවේදී පැවැති විශේෂ මහා උත්සව සභාව මෙම විහාරස්ථානයේ ඉතිහාසයේද සුවිශේෂී අවස්ථාවක් බවට පත්විය.
ජනාධිපතිතුමා, මහානායක ස්වාමීන් වහන්සේලා ප්‍රමුඛ මහා සංඝරත්නය, ගිහි දායක පිරිස සහ සම්භාවනීය ආරාධිතයන්ගේ සහභාගීත්වයෙන් පැවැති එම අවස්ථාවේදී, පූජ්‍ය ආචාර්ය ඕමල්පේ සෝභිත නාහිමිපාණන් වහන්සේ විසින් තම ප්‍රිය ශිෂ්‍යවර ශාස්ත්‍රපති පූජ්‍ය රන්නේ ඉන්දසාර ස්වාමීන් වහන්සේ උතුවන්කන්ද ශ්‍රී ලංකා ධර්මදූත යෝගාශ්‍රමයේ විහාරාධිපති ධුරයට පත් කරන ලදී.
මෙම පත්වීම හුදෙක් විහාරාධිපති ධුරයක වෙනසක් පමණක් නොව, ගුරු–ශිෂ්‍ය පරම්පරාව තුළින් පැවත එන ශාසනික වගකීමක් නව පරපුරකට භාරදීමක් ලෙසද සැලකිය හැකිය. ඒ අනුව, පූජ්‍ය රන්නේ ඉන්දසාර ස්වාමීන් වහන්සේගේ නායකත්වය යටතේ උතුවන්කන්ද ධර්මදූත යෝගාශ්‍රමය නව යුගයකට ප්‍රවේශ විය.
නව විහාරාධිපති ධුරයට පත්වීමත් සමඟ උතුවන්කන්ද ධර්මදූත යෝගාශ්‍රමයේ ප්‍රධාන අරමුණ වන්නේ බුදුදහමේ මූලික ඉගැන්වීම් ආරක්ෂා කරමින්, ඒවා නූතන සමාජයට ගැළපෙන අයුරින් ප්‍රායෝගිකව ජනතාව වෙත ගෙන යාමයි.
ධර්ම අධ්‍යාපනය, භික්ෂු අධ්‍යාපනය, ධර්මදූත සේවය, භාවනා වැඩසටහන්, දහම් පාසල් හා ළමා අධ්‍යාපන කටයුතු, සමාජ සත්කාරක සේවා සහ ජාත්‍යන්තර බෞද්ධ සබඳතා වර්ධනය කිරීම තුළින් මෙම පුණ්‍යභූමිය තවදුරටත් ජනතා සේවයට කැප කිරීම අරමුණ වේ.
ගුරු පරම්පරාවෙන් උරුම වූ ශාසනික වගකීම ගෞරවයෙන් භාරගෙන, අතීත උරුමය ආරක්ෂා කරමින් අනාගත පරපුර වෙනුවෙන් නව අවස්ථා නිර්මාණය කිරීම මෙම නව පරිච්ඡේදයේ ප්‍රධාන අරමුණ වේ.
ඒ අනුව, උතුවන්කන්ද ධර්මදූත යෝගාශ්‍රමය බුදු සසුනේ චිරස්ථිතිය, ධර්ම ප්‍රචාරය, ආධ්‍යාත්මික සංවර්ධනය සහ මානව හිතවාදී සමාජ සේවය වෙනුවෙන් අඛණ්ඩව කැපවන පුණ්‍යභූමියක් ලෙස ඉදිරියට ගමන් කරනු ඇත.
විහාරස්ථානයේ සහ ශාසනයේ අභිවෘද්ධිය උදෙසා කැපවී ක්‍රියාකරන ගෞරවනීය දායක සභාව සහ නිලධාරී මණ්ඩලය.
1969 වර්ෂයේ ආරම්භ වූ ධම්මදූත මහා විහාරස්ථානයේ ආගමික, සාමාජික හා සංවර්ධන කටයුතු අඛණ්ඩව පවත්වාගෙන යාම සඳහා දායක සභාව ආරම්භයේ සිටම සුවිශේෂී දායකත්වයක් ලබා දී ඇත. විහාරස්ථානයේ ප්‍රථම සභාපති ඩී එප් ජේ ධර්මදාස මහතා හා ප්‍රථම ලේකම්වරයා ලෙස එච්. ජී. වෛද්‍යරත්න මුහන්දිරම් මහතා කටයුතු කළ අතර, පසුකාලීනව විවිධ දායක සභා නිලධාරීන්ගේ නායකත්වය හා සහයෝගය යටතේ විහාරස්ථානයේ කටයුතු ක්‍රමානුකූලව ඉදිරියට ගෙන යනු ලැබිණි.
පූජ්‍යතර ඕමල්පේ සෝභිත නාහිමිපාණන් වහන්සේ වෙත 2016 වර්ෂයේ දී විහාරස්ථානය භාර කෙරුණු සමයේදී සුරස උයන බණ්ඩාරනායක මහත්මිය දායක සභාවේ සභාපතිනිය ලෙස කටයුතු කළාය. එම කාලය තුළ විහාරස්ථානයේ පරිපාලන හා සංවර්ධන කටයුතු සඳහා දායක සභාවේ සහයෝගය වැදගත් විය.
මෑතකාලීනව චෛත්‍ය සංවර්ධන කටයුතු සිදු වූ අවධියේදී චන්ද්‍රරත්න මහතාගේ සභාපතිත්වය යටතේ දායක සභාව කටයුතු කළේය. ඉන් අනතුරුව, වර්තමානය දක්වා අමරතිලක මහතාගේ සභාපතිත්වය යටතේ විහාරස්ථානයේ සංවර්ධන කටයුතු, පරිපාලනය සහ කළමනාකරණය වඩාත් විධිමත්ව හා සංවිධානාත්මකව පවත්වාගෙන යනු ලබයි.
වර්තමාන දායක සභාවේ ලේකම්වරිය ලෙස චන්ද්‍රිකා මහත්මිය ද, භාණ්ඩාගාරිකවරිය ලෙස දිල්ෂානි ඇහැලේපොල මහත්මිය ද තම වගකීම් ඉටු කරති.
විහාරස්ථානයට අදාළ බල ප්‍රදේශ නියෝජනය කරන සාමාජිකයන්ගෙන් සමන්විත විධායක සභාවක් ද දායක සභාව සතු වේ. එමඟින් ප්‍රදේශයේ දායක කාරකාදීන්ගේ අදහස් හා අවශ්‍යතා නියෝජනය කරමින් විහාරස්ථානයේ ආගමික, අධ්‍යාපනික, සාමාජික හා භෞතික සංවර්ධන කටයුතු සැලසුම් කිරීම සහ ක්‍රියාත්මක කිරීම සඳහා සහයෝගය ලබා දෙයි.
විහාරස්ථානයේ අභිවෘද්ධිය, සම්බුද්ධ ශාසනයේ චිරස්ථිතිය සහ ප්‍රදේශවාසී ජනතාවගේ ආධ්‍යාත්මික හා සාමාජික සුබසාධනය උදෙසා සාමූහික වගකීමෙන් හා කැපවීමෙන් කටයුතු කිරීම ධම්මදූත මහා විහාරස්ථ දායක සභාවේ ප්‍රධාන අරමුණයි.
ගුණධර්මයන්ගෙන් පිරිපූර්ණ, දහම් දැනුමෙන් හා ඉංග්‍රීසි භාෂා හැකියාවෙන් සපිරි හෙට දිනයේ සුජාත දූ දරුවන් බිහි කරන දහම් පියස.
“ගුණ නැණ සපිරි දරු පරපුරක් උදෙසා දහම් අධ්‍යාපනයේ නව දැක්මක්”
2023 නොවැම්බර් 07 වැනි දින ආරම්භ කරන ලද ශ්‍රී සෝභිත දහම් පාසල, බෞද්ධ දහම් අධ්‍යාපනය තුළින් දැනුමෙන් පමණක් නොව ගුණධර්මයෙන් ද පිරිපුන් දරු පරපුරක් බිහි කිරීමේ උදාර අරමුණ පෙරදැරි කරගෙන ක්‍රියාත්මක වන අධ්‍යාපනික හා ශාසනික වැඩපිළිවෙළකි.
විශ්ව කීර්තියට පත්, ශ්‍රී ලංකාවේ මෙන්ම ජාත්‍යන්තර වශයෙන් ද බෞද්ධ ශාසනයේ අභිවෘද්ධිය වෙනුවෙන් අමිල සේවාවක් ඉටු කරන ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ නාමයට ගෞරවයක් වශයෙන් මෙම දහම් පාසල “ශ්‍රී සෝභිත දහම් පාසල” ලෙස නම් කරන ලදී.
දහම් පාසලේ සමාරම්භක උත්සවය සඳහා ආචාර්ය පූජ්‍ය ඕමල්පේ සෝභිත නාහිමිපාණන් වහන්සේ, ශ්‍රී ලංකා රාමඤ්ඤ මහා නිකායේ අනුනායක ධුරන්ධර ශාස්ත්‍රපති පූජ්‍ය දීවෙල මහින්ද අනුනාහිමිපාණන් වහන්සේ ඇතුළු ප්‍රාදේශීය මහා සංඝරත්නය වැඩම කළහ. සබරගමුව පළාත් ආණ්ඩුකාර නවීන් දිසානායක මහතා ඇතුළු සම්භාවනීය ආරාධිත අමුත්තන් ද මෙම අවස්ථාවට සහභාගී වූහ. සිංගප්පූරුව, මැලේසියාව ඇතුළු විදේශ රටවලින් පැමිණි විශේෂ ආරාධිත පිරිසකගේ සහභාගීත්වය ද මෙම උත්සවයට ජාත්‍යන්තර වැදගත්කමක් එක් කළේය.
ශ්‍රී සෝභිත දහම් පාසලේ ප්‍රධාන විශේෂත්වයක් වන්නේ සිංහල හා ඉංග්‍රීසි යන භාෂා දෙකෙන්ම දහම් අධ්‍යාපනය ලබා දීමයි.
වර්තමාන ගෝලීය සමාජයට ගැළපෙන දරු පරපුරක් බිහි කිරීම සඳහා මව්බසින් බෞද්ධ සංස්කෘතිය හා දහම් කරුණු අවබෝධ කර ගැනීමට අවස්ථාව සලසන අතරම, ඉංග්‍රීසි භාෂාවෙන් ද ධර්මය අධ්‍යයනය කිරීමට හා සන්නිවේදනය කිරීමට අවශ්‍ය හැකියාවන් වර්ධනය කරනු ලැබේ. මෙමගින් දරුවන්ට තම සංස්කෘතික හා ආගමික අනන්‍යතාව සුරක්ෂිත කරගනිමින් ජාත්‍යන්තර පරිසරය සමඟ සම්බන්ධ වීමට ද අවස්ථාව සැලසේ.
දහම් අධ්‍යාපනය යනු ධර්ම කරුණු මතක තබා ගැනීමකට පමණක් සීමා වූවක් නොවේ. එය දරුවකුගේ සිතුවිලි, වචන, ක්‍රියාකාරකම් හා සමස්ත ජීවන රටාව යහපත් මඟකට යොමු කරන ජීවන පුහුණුවකි. ඒ අනුව දරුවන්ගේ චර්යාත්මක හා ආධ්‍යාත්මික සංවර්ධනය උදෙසා පහත ගුණාංග ප්‍රායෝගිකව පුහුණු කෙරේ:
වාර්ෂික වැඩසටහන් සැලැස්මකට අනුව ක්‍රියාත්මක වන ශ්‍රී සෝභිත දහම් පාසල සඳහා කැපවූ පූජනීය ආචාර්ය මණ්ඩලයක් හා ගුරු මණ්ඩලයක් නායකත්වය ලබා දෙයි:
සීලයෙන් හික්මුණු සමාධියෙන් දැමුණු ප්‍රඥාවෙන් පිබිදුණු චරිතාදර්ශයක් නිර්මාණය කිරීම.
දහම් දැනුම ලබාදීම මගින් රට දැය සමය සුරැකීමට කැපවුණු ගුණ නැණ බෙලෙන් පිරිපුන් අනාගත පරපුරක් බිහි කිරීම.
ශ්‍රී සෝභිත දහම් පාසල
ගුණයෙන් හදවත පුරවා, නැණයෙන් අනාගතය ආලෝකමත් කරන දහම් තෝතැන්නකි.
විහාරස්ථානයේ සහ ශාසනික සේවාවන්හි ඡායාරූප ඇල්බම්, ධර්ම දේශනා හා පිරිත් ඕඩියෝ (MP3) සහ වීඩියෝ එකතුව.
විහාරස්ථ විශේෂ අවස්ථා හා පින්කම්වල ඡායාරූප එකතු
ඡායාරූප 47ක්
අසිරිමත් සිරි මංගල ත්‍රිපිටක සෑ රදුන් නිම වූ ආකාරය (2024-2025)
ඡායාරූප 33ක්
අසිරිමත් බෝධි මණ්ඩපය විවෘත කිරීමේ මහෝත්සවය (2019.09.08).
ඡායාරූප 21ක්
පූජ්‍ය කත්නෝරුවේ සිරිධම්ම ස්වාමීන් වහන්සේ විසින් සිදුකළ විශේෂ ධර්ම දේශනාව.
පිරිත් දේශනා, ධර්ම දේශනා සහ භාවනා උපදෙස් MP3 එකතුව
විහාරස්ථ නිල YouTube චැනලයේ වීඩියෝ දර්ශන
විහාරස්ථානය වෙත පැමිණෙන මාර්ගය, දුරකථන අංක සහ පණිවුඩ යොමු කිරීම සඳහා පහත තොරතුරු භාවිතා කරන්න.
ශ්‍රී ලංකා ධර්මදූත යෝගාශ්‍රමය,
ධර්මදූත මහා විහාරය, උතුවන්කන්ද, ශ්‍රී ලංකාව.
"ශ්‍රී ලංකා ධර්මදූත යෝගාශ්‍රමය - උතුවන්කන්ද"
පුද්ගලයාගේ ආධ්‍යාත්මික දියුණුව, සිතේ සන්සුන්භාවය සහ ගුණධර්ම වර්ධනය අරමුණු කරගනිමින් විවිධ ආගමික හා භාවනා වැඩසටහන් ක්‍රියාත්මක කෙරේ.
පෝය දිනයන්හිදී සිල් සමාදන් වීම, ධර්ම ශ්‍රවණය සහ භාවනා පුහුණුව...
විදර්ශනා භාවනාව ප්‍රගුණ කරමින් සිත හා කය පිළිබඳ යථාර්ථ අවබෝධය...
දරුවන් තුළ ආගමික හැදියාව, විනය, කරුණාව සහ සතිමත්භාවය...
දෛනික බුද්ධ වන්දනාව සහ ත්‍රිපිටක ධර්මය ශ්‍රවණය කිරීම...
බුද්ධ, ධම්ම හා සංඝ යන තෙරුවන් කෙරෙහි ශ්‍රද්ධාව වර්ධනය කරමින්...
දරුවන්ගේ සහ තරුණ පරපුරේ දහම් දැනුම මෙන්ම ලෞකික අධ්‍යාපන කුසලතා දියුණු කිරීම.
දරුවන්ට බෞද්ධ දහම් පාසල හරහා ගුණ නැණ සපිරි අනාගතයක්...
ඔවුන්ට සුරක්ෂිත හා හිතකර පරිසරයක් සලසා දීම මෙම වැඩසටහනේ අරමුණයි.
ආදරය, ආරක්ෂාව, ගුණධර්ම සහ ජාත්‍යන්තර භාෂා දැනුම සමඟින් දරුවාගේ අනාගතය ගොඩනඟන සෙනෙහෙබර තෝතැන්නකි.
1994 ජනවාරි 19 වැනි දින ඕස්ට්‍රේලියානු ජාතික පිරිසක් විසින් ICA පෙර පාසල නමින් ආරම්භ කර පවත්වාගෙන ගිය මෙම අධ්‍යාපන ආයතනය, 2019 වර්ෂයේදී ඇඹිලිපිටිය ශ්‍රී බෝධිරාජ පදනමට අනුබද්ධ කිරීමෙන් අනතුරුව නව පරිවර්තනයකට ලක් විය.
සිංගප්පූරුවේ ඇග්නස් (Agnes) සහ කැතරින් (Catherine) යන සොහොයුරියන්ගේ පූර්ණ මූල්‍ය පරිත්‍යාගයෙන් ආයතනය ප්‍රතිසංස්කරණය කර, ශ්‍රී බෝධිරාජ පෙර පාසල නමින් නව දැක්මක් සහිතව පවත්වාගෙන යනු ලබයි.
ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ අනුශාසකත්වයෙන් සහ ශාස්ත්‍රපති පූජ්‍ය රන්නේ ඉන්දසාර ස්වාමීන් වහන්සේගේ කළමනාකාරිත්වයෙන් ආයතනයේ අධ්‍යාපනික හා පරිපාලන කටයුතු සිදු කෙරේ.
දරුවන්ගේ කුසලතා හඳුනාගෙන, ඔවුන්ගේ පෞරුෂය හා නිර්මාණශීලීත්වය වර්ධනය කිරීම සඳහා කැපවූ ගුරු මණ්ඩලයක් මෙහි සේවය කරයි.
දැනට දරුවන් 35 දෙනකු අධ්‍යාපනය ලබන අප ආයතනයේ දරුවන් 60 දෙනකු සඳහා ප්‍රමාණවත් වන පරිදි පහසුකම් සලසා ඇත. දරුවන්ගේ වයසට හා සංවර්ධන අවශ්‍යතාවලට ගැළපෙන ඉගෙනුම් පරිසරයක් තුළ ඔවුන්ගේ භාෂා හැකියාව, සමාජීය කුසලතා, නිර්මාණශීලීත්වය, යහපත් පුරුදු සහ අන්‍යයන් කෙරෙහි සංවේදී වීමේ හැකියාව වර්ධනය කිරීමට අපි කැපවී සිටිමු.
වර්තමාන සමාජයේ දෙමාපියන් මුහුණ දෙන කාලීන අවශ්‍යතාවක් හඳුනාගෙන, පෙර පාසල් අධ්‍යාපනයට අමතරව දිවා සුරැකුම් මධ්‍යස්ථානයක් ද අප විසින් පවත්වාගෙන යනු ලබයි. දෙමාපියන්ගේ දෛනික කාර්යබහුලත්වය සැලකිල්ලට ගනිමින්, දරුවන්ට ආරක්ෂිත, සෙනෙහෙබර සහ සැලකිලිමත් පරිසරයක් තුළ කාලය ගත කිරීමට අවශ්‍ය පහසුකම් සැලසීම අපගේ අරමුණයි.
ශ්‍රී බෝධිරාජ පෙර පාසලේ විශේෂත්වය වන්නේ දරුවන්ට අධ්‍යාපනය පමණක් නොව, ජීවිතයට අවශ්‍ය ගුණධර්ම සහ යහපත් චර්යාවන් ද හුරු කිරීමයි. බොදුනු හා සිංහල සංස්කෘතික පරිසරයක් තුළ කරුණාව, මෛත්‍රිය, සහයෝගය, වැඩිහිටියන්ට ගරු කිරීම, අන්‍යයන්ගේ හැඟීම් හඳුනාගැනීම සහ සමාජ වගකීම වැනි වටිනාකම් දරුවන්ගේ ජීවිතයට සමීප කරවීමට අපි උත්සාහ කරමු. එමෙන්ම, ජාත්‍යන්තර භාෂා දැනුම සහ නවීන ලෝකයට ගැළපෙන මූලික කුසලතා වර්ධනය කරමින්, තම සංස්කෘතික අනන්‍යතාව රැකගෙන ලෝකය සමඟ ඉදිරියට යා හැකි දරු පරපුරක් බිහි කිරීම අපගේ දැක්මයි.
ගුණධර්මයෙන් පිරිපුන්, දැනුමෙන් සන්නද්ධ, නිර්මාණශීලී හා සංවේදී දරු පරපුරක් ලොවට දායාද කිරීම.
සෑම දරුවකුගේම සුවිශේෂී හැකියාවන් හඳුනාගෙන, ආදරය, ආරක්ෂාව, යහපත් මඟපෙන්වීම සහ ගුණාත්මක අධ්‍යාපනය තුළින් ඔවුන්ගේ සමබර පෞරුෂ වර්ධනයට දායක වීම.
"ශ්‍රී බෝධිරාජ පෙර පාසල — දරුවාගේ අද දවස සෙනෙහසින් සරසා, හෙට දවස අර්ථවත් කරන අපේක්ෂාවේ තෝතැන්න."
සමාජයේ අවශ්‍යතා ඇති පුද්ගලයන්ට සහ පවුල්වලට සහය වෙමින් සහකම්පනය, පරෝපකාරය හා සමාජ වගකීම මත පදනම් වූ සුබසාධන සේවාවක් ගොඩනැඟීම මෙම වැඩසටහන්වල අරමුණයි.
කෑගල්ල දිස්ත්‍රික්කයේ රඹුක්කන දියසුන්නත ප්‍රදේශයේ පිහිටි රැකවරණය හා සහාය අවශ්‍ය දරුවන් වෙනුවෙන් කැපවූ ළමා සංවර්ධන මධ්‍යස්ථානය...
අවශ්‍යතා ඇති පුද්ගලයන් සහ පවුල් හඳුනාගෙන සහන හා මානුෂීය ආධාර ලබාදීම...
මව්වරුන්ගේ යහපැවැත්ම හා පවුල් සංවර්ධනය උදෙසා අවශ්‍ය සහයෝගය ලබාදීම...
ආර්ථික අපහසුතා ඇති දරුවන්ට සහ සිසුන්ට අවශ්‍ය අධ්‍යාපනික සහය ලබාදීම...
කෘෂිකාර්මික සම්පත් හා පරිත්‍යාගශීලී දායකත්වය සමාජ සුබසාධනය සඳහා යොදාගැනීම...
ප්‍රජාවගේ සහභාගිත්වයෙන් සහනදායී මිලට අත්‍යවශ්‍ය භාණ්ඩ ලබාගැනීම...
ධර්මදූත මහා විහාරය – උතුවන්කන්ද, මාවනැල්ල
අනුන්ගේ දුක තමන්ගේ දුක සේ දකිමින්, තමන්ට හැකි අයුරින් අනුන්ට පිහිට වීම උතුම් මනුෂ්‍යත්වයේ ලක්ෂණයකි.
උතුවන්කන්ද ධර්මදූත මහා විහාරය කේන්ද්‍ර කරගනිමින් 2018 මාර්තු මස 3 වැනි දින ආරම්භ කරන ලද සහන සේවා සමිතිය, සමාජයේ සාමාජිකයන් අතර අන්‍යෝන්‍ය සුහදශීලීත්වය, සහයෝගීතාව සහ සහෝදරත්වය වර්ධනය කිරීම අරමුණු කරගත් සමාජ සත්කාරක සංවිධානයකි.
ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ මඟපෙන්වීමෙන් සහ ශාස්ත්‍රපති පූජ්‍ය රන්නේ ඉන්ද්‍රසාර ස්වාමීන් වහන්සේගේ අනුශාසනා පරිදි ආරම්භ වූ මෙම සමිතියෙහි මූලික අපේක්ෂාව වන්නේ සාමාජිකයන්ගේ දුකේදීත් සැපේදීත් ළඟින් සිටින, එකිනෙකාගේ අවශ්‍යතා හඳුනාගෙන හැකි අයුරින් උපකාර කරන සමාන සුඛදුක්ඛ මිතුරන් පිරිසක් ගොඩනැඟීමයි.
සහන සේවා සමිතිය මඟින් සමාජයේ අවශ්‍යතා ඇති පිරිස් වෙනුවෙන් විවිධ සත්කාරක වැඩසටහන් ක්‍රියාත්මක කරනු ලබයි. එමෙන්ම සාමාජිකයන්ගේ පවුල්වල මංගල අවස්ථා ඇතුළු විශේෂ අවස්ථාවලදී සහයෝගය ලබාදීම ද සමිතියේ අරමුණු අතර වේ.
විශේෂයෙන්ම මාසිකව සංවිධානය කරනු ලබන මාතෘ සත්කාරක වැඩසටහන සහ සහනපොළ ව්‍යාපෘතිය සමිතියේ සුවිශේෂී සමාජ සත්කාරක වැඩසටහන් ලෙස හැඳින්විය හැකිය. මෙම වැඩසටහන් තුළින් සමාජයේ විවිධ අවශ්‍යතා හඳුනාගෙන, පරෝපකාරය හා මානුෂීය ගුණධර්ම ප්‍රායෝගිකව ක්‍රියාවට නැංවීම අපේක්ෂා කෙරේ.
විපතකදී අහක නොබලන, අවශ්‍ය මොහොතේ අත දෙන, සැපතේදී සතුට බෙදාගන්නා මිතුරන් පිරිසක් ලෙස සහන සේවා සමිතිය හැඳින්විය හැකිය. එය හුදෙක් සාමාජිකයන්ගේ එකතුවක් නොව, දුක හා සැප බෙදාගනිමින් මානුෂීය සමාජයක් ගොඩනැඟීමට කැප වූ සහෝදරත්වයේ සංකේතයකි.
දරුවන්ගේ අනාගතයට සෙනෙහසේ සෙවණක්
කෑගල්ල දිස්ත්‍රික්කයේ රඹුක්කන දියසුන්නත ප්‍රදේශයේ පිහිටි බෝධිරාජ ළමා ගම්මානය, රැකවරණය හා සහාය අවශ්‍ය දරුවන්ගේ සුබසාධනය, අධ්‍යාපනය සහ පෞරුෂ සංවර්ධනය වෙනුවෙන් කැපවූ ළමා සංවර්ධන මධ්‍යස්ථානයකි.
දරුවන්ට ආරක්ෂිත නවාතැන් පහසුකම් සැලසීමෙන් ඔබ්බට ගොස්, ඔවුන්ගේ අධ්‍යාපනික, ශාරීරික, මානසික, සමාජීය හා සදාචාරාත්මක සංවර්ධනය ප්‍රවර්ධනය කිරීම මෙම ආයතනයේ ප්‍රධාන අරමුණයි.
සෑම දරුවෙකුටම ආදරය, රැකවරණය, අධ්‍යාපනය සහ ගෞරවනීය ජීවිතයක් හිමිවිය යුතුය යන මානුෂීය දැක්ම මත පදනම්ව, දරුවන්ට යහපත් අනාගතයක් ගොඩනඟා ගැනීමට අවශ්‍ය පරිසරය හා මඟපෙන්වීම ලබාදීමට බෝධිරාජ ළමා ගම්මානය කැපවී සිටියි.
ආදරය, රැකවරණය, අධ්‍යාපනය සහ ගුණධර්ම පිරිපුන් පරිසරයක් තුළ දරුවන්ගේ සහජ හැකියාවන් සංවර්ධනය කරමින්, ස්වාධීනව හා වගකීමෙන් යුතුව සමාජයට දායක විය හැකි යහපත් පුරවැසියන් බිහිකිරීම.
දැනට දරුවන් විසිපස් දෙනෙකු (25) පමණ බෝධිරාජ ළමා ගම්මානයේ නේවාසිකව රැකවරණය ලබති.
"සෑම දරුවෙකුටම තමන්ගේම සිහින, බලාපොරොත්තු සහ හැකියාවන් තිබේ. ඒවා හඳුනාගෙන දරුවන්ට ආත්මවිශ්වාසයෙන් යුතුව අනාගතයට මුහුණ දීමට ශක්තිය ලබාදීම අපගේ අරමුණයි."
දරුවන්ට ආරක්ෂිත හා සුහදශීලී නේවාසික පරිසරයක් සැලසීම.
පාසල් අධ්‍යාපනය සහ අතිරේක ඉගෙනුම් අවස්ථා සඳහා අවශ්‍ය සහාය ලබාදීම.
දරුවන්ගේ සෞඛ්‍යය, පෝෂණය සහ යහපැවැත්ම කෙරෙහි අවධානය යොමු කිරීම.
සදාචාරාත්මක වටිනාකම්, විනය, කරුණාව සහ සහජීවනය ප්‍රවර්ධනය කිරීම.
ක්‍රීඩා, කලා සහ විනෝදාත්මක ක්‍රියාකාරකම් තුළින් දරුවන්ගේ සහජ හැකියාවන් වර්ධනය කිරීම.
දරුවන්ට සමාජය සමඟ සුහදව සම්බන්ධ වීමට සහ සාමූහික ජීවිතයට හුරු වීමට අවශ්‍ය අවස්ථා නිර්මාණය කිරීම.
පූජ්‍ය ඕමල්පේ සෝභිත නාහිමිපාණන් වහන්සේගේ අනුශාසනා හා මඟපෙන්වීම යටතේ ක්‍රියාත්මක වන බෝධිරාජ ළමා ගම්මානයේ කළමනාකරණ කටයුතු, ධර්මදූත මහා විහාරයේ විහාරාධිපති ශාස්ත්‍රපති පූජ්‍ය රන්නේ ඉන්දසාර ස්වාමීන් වහන්සේගේ මූලිකත්වයෙන් සිදු කෙරේ.
බෞද්ධ සාරධර්ම මත පදනම් වූ මානුෂීය ප්‍රවේශයක් තුළින් දරුවන්ගේ යහපැවැත්ම, පෞරුෂ සංවර්ධනය සහ අනාගත සුරක්ෂිතභාවය වෙනුවෙන් කටයුතු කිරීම මෙම මෙහෙවරේ මූලික අරමුණකි.
බෝධිරාජ ළමා ගම්මානයේ කටයුතු ජාතික ළමා ආරක්ෂක අධිකාරිය, පරිවාස හා ළමාරක්ෂක සේවා දෙපාර්තමේන්තුව සහ අදාළ දිස්ත්‍රික් හා ප්‍රාදේශීය රාජ්‍ය ආයතන මඟින් සිදු කෙරෙන අධීක්ෂණය හා මඟපෙන්වීම යටතේ ක්‍රියාත්මක වේ.
දරුවන්ගේ අයිතිවාසිකම් සුරක්ෂිත කිරීම, ඔවුන්ගේ යහපැවැත්ම ප්‍රවර්ධනය කිරීම සහ ඔවුන්ට ආරක්ෂිත පරිසරයක හැදී වැඩීමට අවශ්‍ය පහසුකම් සැලසීම මෙහි ප්‍රධාන අරමුණයි.
දරුවන්ගේ අනාගතය ගොඩනැඟීම සඳහා ඔබටත් පහත ක්ෂේත්‍රයන් ඔස්සේ දායක විය හැක:
"ඔබගේ සෑම යහපත් දායකත්වයක්ම දරුවෙකුගේ ජීවිතයට නව බලාපොරොත්තුවක් එක් කළ හැකිය."
කායික සෞඛ්‍යය, මානසික සුවතාව සහ රෝගීන් රැකබලා ගැනීමේ මානුෂීය වටිනාකම් ප්‍රවර්ධනය කිරීම මෙම අංශයේ ප්‍රධාන අරමුණයි.
සෞඛ්‍ය අවශ්‍යතා ඇති පුද්ගලයන්ට සහය වීම සහ සෞඛ්‍ය සත්කාර සේවා වෙත ප්‍රවේශ වීමට උපකාර කිරීම...
රෝගීන් හා වැඩිහිටියන් කෙරෙහි කරුණාව, මෛත්‍රිය හා උපකාරශීලීත්වය ප්‍රායෝගිකව ක්‍රියාවට නැංවීම...
ශරීර සුවතාව, නිවැරදි ඉරියව්, හුස්ම පිළිබඳ අවධානය සහ මනස සන්සුන් කරගැනීම සඳහා සුදුසු පුහුණු අවස්ථා සලසමින්...
පරිසරය සුරැකීම, ජෛව විවිධත්වය ආරක්ෂා කිරීම, හරිත පරිසරයක් ගොඩනැඟීම සහ සියලු සතුන් කෙරෙහි කරුණාව වර්ධනය කිරීම සඳහා පාරිසරික හා සත්ව සුබසාධන වැඩසටහන් ක්‍රියාත්මක කෙරේ.
පාරිසරික සංරක්ෂණය, හරිත ජීවන රටාව, සම්පත් සුරක්ෂිතව භාවිත කිරීම සහ සතුන්ගේ යහපැවැත්ම...
ගවයන්ගේ ආරක්ෂාව, රැකවරණය හා යහපැවැත්ම තහවුරු කරමින් සතුන් කෙරෙහි මෛත්‍රිය හා අවිහිංසාව...
පලතුරු ගස් හා ඖෂධීය ශාක රෝපණය හා සංරක්ෂණය තුළින් පරිසර හිතකාමී ජීවන රටාවක්...
ගස් සිටුවීම හා ඒවා රැකබලා ගැනීම තුළින් හරිත ආවරණය වර්ධනය කරමින් පාරිසරික සමතුලිතතාව...
ගුණ නැණ සපිරි දරු පරපුරක් උදෙසා දහම් අධ්‍යාපනයේ නව දැක්මක්
2023 නොවැම්බර් 07 වැනි දින ආරම්භ කරන ලද ශ්‍රී සෝභිත දහම් පාසල, බෞද්ධ දහම් අධ්‍යාපනය තුළින් දැනුමෙන් පමණක් නොව ගුණධර්මයෙන් ද පිරිපුන් දරු පරපුරක් බිහි කිරීමේ උදාර අරමුණ පෙරදැරි කරගෙන ක්‍රියාත්මක වන අධ්‍යාපනික හා ශාසනික වැඩපිළිවෙළකි.
විශ්ව කීර්තියට පත්, ශ්‍රී ලංකාවේ මෙන්ම ජාත්‍යන්තර වශයෙන් ද බෞද්ධ ශාසනයේ අභිවෘද්ධිය වෙනුවෙන් අමිල සේවාවක් ඉටු කරන ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ නාමයට ගෞරවයක් වශයෙන් මෙම දහම් පාසල “ශ්‍රී සෝභිත දහම් පාසල” ලෙස නම් කරන ලදී.
දහම් පාසලේ සමාරම්භක උත්සවය සඳහා ආචාර්ය පූජ්‍ය ඕමල්පේ සෝභිත නාහිමිපාණන් වහන්සේ, ශ්‍රී ලංකා රාමඤ්ඤ මහා නිකායේ අනුනායක ධුරන්ධර ශාස්ත්‍රපති පූජ්‍ය බීවල මහින්ද අනුනාහිමිපාණන් වහන්සේ ඇතුළු ප්‍රාදේශීය මහා සංඝරත්නය වැඩම කළහ. සබරගමුව පළාත් ආණ්ඩුකාර නවීන් දිසානායක මහතා ඇතුළු සම්භාවනීය ආරාධිත අමුත්තන් ද මෙම අවස්ථාවට සහභාගී වූහ. සිංගප්පූරුව, මැලේසියාව ඇතුළු විදේශ රටවලින් පැමිණි විශේෂ ආරාධිත පිරිසකගේ සහභාගීත්වය ද මෙම උත්සවයට ජාත්‍යන්තර වැදගත්කමක් එක් කළේය.
ශ්‍රී සෝභිත දහම් පාසලේ ප්‍රධාන විශේෂත්වයක් වන්නේ සිංහල හා ඉංග්‍රීසි යන භාෂා දෙකෙන්ම දහම් අධ්‍යාපනය ලබා දීමයි.
වර්තමාන ගෝලීය සමාජයට ගැළපෙන දරු පරපුරක් බිහි කිරීම සඳහා මව්බසින් බෞද්ධ සංස්කෘතිය හා දහම් කරුණු අවබෝධ කර ගැනීමට අවස්ථාව සලසන අතරම, ඉංග්‍රීසි භාෂාවෙන් ද ධර්මය අධ්‍යයනය කිරීමට හා සන්නිවේදනය කිරීමට අවශ්‍ය හැකියාවන් වර්ධනය කරනු ලැබේ.
මෙම ද්විභාෂා අධ්‍යාපන ක්‍රමය තුළින් දරුවන්ට තම සංස්කෘතික හා ආගමික අනන්‍යතාව සුරක්ෂිත කරගනිමින් ජාත්‍යන්තර පරිසරය සමඟ සම්බන්ධ වීමට ද අවස්ථාව සැලසේ.
දහම් අධ්‍යාපනය යනු ධර්ම කරුණු මතක තබා ගැනීමකට පමණක් සීමා වූවක් නොවේ. එය දරුවකුගේ සිතුවිලි, වචන, ක්‍රියාකාරකම් හා සමස්ත ජීවන රටාව යහපත් මඟකට යොමු කරන ජීවන පුහුණුවකි.
ඒ අනුව ශ්‍රී සෝභිත දහම් පාසල තුළ අධ්‍යාපනික දැනුම වර්ධනය කිරීමට මෙන්ම දරුවන්ගේ චර්යාත්මක හා ආධ්‍යාත්මික සංවර්ධනයට ද සුවිශේෂී අවධානයක් යොමු කරනු ලැබේ:
මෙවැනි ගුණාංග දරුවන්ගේ ජීවිත තුළ වර්ධනය කිරීමෙන්, විභාග ජයග්‍රහණවලට පමණක් සීමා නොවී යහපත් පුරවැසියන් ලෙස සමාජයට දායක විය හැකි පරපුරක් බිහි කිරීම අපේක්ෂා කෙරේ.
ගුරු මණ්ඩලය: අජිත් විදානපතිරණ මහතා, ප්‍රභාත් මහතා ඇතුළු කැපවූ ගුරු භවතුන්
ගුරු මණ්ඩලයේ මඟපෙන්වීම යටතේ දරුවන්ගේ දහම් දැනුම, භාෂා හැකියාව, නිර්මාණශීලීත්වය, නායකත්වය සහ සමාජීය කුසලතා වර්ධනය කිරීම සඳහා විවිධ අධ්‍යාපනික හා ප්‍රායෝගික වැඩසටහන් ක්‍රියාත්මක කරනු ලැබේ.
තිසරණයෙහි පිහිටා, පඤ්චසීලය සුරකිමින්, ගුණ නැණ දෙකෙන්ම පිරිපුන්, ප්‍රඥාවන්ත හා සමාජයට වැඩදායී දරු පරපුරක් බිහි කිරීම.
බුදුදහමේ මූලික ඉගැන්වීම් දරුවන්ට නිවැරදිව අවබෝධ කර දෙමින්, ඒවා ජීවිතයට ප්‍රායෝගිකව යොදා ගැනීමට හුරු කිරීමත්, සිංහල හා ඉංග්‍රීසි ද්විභාෂා අධ්‍යාපනය තුළින් ජාත්‍යන්තර දහම් සන්නිවේදනයට හැකියාව ඇති, සංස්කෘතික වටිනාකම් අගය කරන යහපත් පුරවැසියන් බිහි කිරීමත් අපගේ මෙහෙවරයි.
"ශ්‍රී සෝභිත දහම් පාසල — ගුණයෙන් හදවත පුරවා, නැණයෙන් අනාගතය ආලෝකමත් කරන දහම් තෝතැන්නකි."